هل تعلم ان في جسمك جهاز انذار يعمل عند حدوث خلل في الجسم(سبحان الله)

بسم الله الرحمن الرحيم

السلام عليكم ورحمة الله وبركاته

مرات يحس الانسان بالتعب او الضغط الزايد او يتحمل اشياء خارجة عن طاقته ويقول انا قوي او اقدر اتحمل ومايدري ان الضغط الزايد له اضرار على الصحة

تذكرون سالفة الماء اللي يشربه بعض الناس على الريق ومافيها شي ان الانسان يشرب الماي على الريق لكن انه يشرب اربع او خمس كاسات ويحس في عوار في المعدة ويستمر على هالشي هذي مشكلة ولها آثار على الانسان

هالانسان هذا عنده جهاز الانذار يعمل ويقوله بس كافي والدليل العوار اللي قاعد يحس فيه لكن الانسان هذا قاعد يضغط على نفسه ويكمل شرب الماء حتى ينتهي من الكاس الخامس

في دراسات تقول ان هالشي هذا غلط طيب ليش ننتظر الدراسات تمنعنا من هذا الفعل وعندنا جهاز انذار قبل لا يعملون الدراسات نبهنا بالخطر

اخواني جهاز الانذار اللي داخلنا يعمل بالشكل الصحيح لكن الانسان يتعب نفسه بنفسه

وشوفوا جهاز الانذار عند الناس اللي قاعدين يسهرون كيف يعمل

ماتحسون مرات يجيكم النوم في وقت من اوقات الليل مبكر لكن تضغطون على نفسكم وتسهرون؟ وبعد ماتسهرون تروحون للفراش وتتقلبون ساعة وساعتين لين تنامون؟ النوم جاكم وانتم رفضتوه بنفسكم لذلك طارت النومه من عيونكم , هنيه جهاز الانذار عطاكم انذار انكم محتاجين للنوم لكن انتم رفضتو النوم وضغطتوا على نفسكم وسهرتو لين طارت النومه لذلك الانسان يقوم يتقلب بالفراش ولا ينام الا بعد وقت طويل وهذا طبعا غلط, لكن في ناس تسهر لانها مجبورة على هالشي مثل رجال المطافي او الاسعاف او الاطباء بالمستشفيات وهذا شي طيب وجزاهم الله خير لانهم يسهرون من اجل ان يقدموا خدمة للناس وحتى لو جاهم النوم ورفضوه معذورين

وشوفوا جهاز الانذار عند الناس اللي ترفع الاثقال

مشكله لما الانسان يشيل حمل فوق طاقته ويقول هذي قوة فيني ومايدري ان هالحمل هذا له اضرار بالمستقبل, مافي مشكله اذا الانسان يبي يصير رياضي لكن تضغط على نفسك هذي مشكلة نصيحة لاترفعون شي ماتتحملون رفعه

شوفوا جهاز الانذار عند الناس اللي تبي تضعف او يبون يصير وزنهم رشيق

يتحمل الجوع لدرجة المغص الشديد وهذي مشكلة كبيرة لان الجسم والمعدة يحتاجون لطعام على فترات غلط ان الواحد يضغط على نفسه لدرجة المغص لكن لو حس بجوع واكل قبل يوصل لدرجة المغص هذا افضل لان جهاز الانذار اعطانا انذار في حالة الجوع اكل لقمة او لقمتين او ثلاث علشان ماتوصل للمغص اذا تبي تخفف الوزن اما توصل للمغص هذي مشكلة نصيحة اذا حسيتوا بالجوع تناولوا الطعام قبل ان يصل لكم المغص لاتجعلون المغص يوصل لكم نهائيا

اخواني جهاز الانذار هذا اسمه (الاحساس) نقدر نعرف الشي الضار من النافع من خلال الاحساس

وعسى ربي يهدينا ويعافينا جميعا

يؤ طلع في جسمي كاسبر سكااااااي ونا مادري يؤ
محب انت مكافي صح
هع